arin JS
Home page Ad

जनकवि दुर्गालाल श्रेष्ठलिसे सर्जक व सिर्जना ज्याझ्वः क्वचाल

Jheegu Sah – Bijay Ratna ,    २०७९ बैशाख ११, आइतबार    वर्गीकृत साहित्य

 
नेपालभाषाया वाङमय ख्यलय् जनकवि कथं तसकं नांजाम्ह साहित्यकार जनकवि दुर्गालाल श्रेष्ठ लिसे छगू बिस्कं कथंया साहित्यिक ,साँगितिक व सांस्कृतिक  ज्याझ्वः " थीथी विधाया मिखाकुलिं सर्जक व सिर्जना" क्वचाःगु दु   ।
 
नेपालभाषा एकेडेमीया ग्वसालय् पोर्चुगलय् च्वना वया च्वना दीपिं निम्ह तिपु डा ज्योति तुलाधर व स्वयम्भुधर तुलाधरया परिकल्पनाय् चौलागा सप्तमि, २०७९ सालया बैशाख १० ,खुन्हु एकेडेमीया हे किपुलिइ च्वंगु हलय् ज्याझ्वः जुउगु खः ।
 
ग्वसाखलः एकेडेमीया चान्सलर यज्ञरत्न धाख्वाःया सभानायसुइ न्ह्याःगु उगु ज्याझ्वःया सहजीकरण एकेडेमीया भाइस चान्सलर मल्ल के सुन्दरं याना दिल । 
 
ज्याझ्वलय् जनकवि श्रेष्ठया समकालीन स्रष्टा जनगायक भृगुराम श्रेष्ठ लिसेलिसें   रामेश,रामकृष्ण दुवाल,अमरराज शर्मा राजोपाध्याय, जुजुकाजि रन्जित,बीरप्रसाद भंसारी थेंज्यापिं संगीतख्यःया न्ह्यलुवा पिन्सं थीथी प्रस्तुति न्ह्यब्वया दिल । अथेहेतुं न्हूपुस्ताया प्रतिनिधि जुइ कथं सानुबाबु महर्जन, रिता महर्जन,पवित्रं कसाः,नरेन महर्जन,रत्नशोभा महर्जन,कृति बज्राचार्य,रफेला महर्जन पिन्सं थी थी प्रस्तुति न्ह्यब्वया दिल ।
 
प्यघौ तक जूगु तःजिगु उगु ज्याझ्वलय् मथुरा सायमि, प्रतिसरा सायमि,आर मानन्धर,रजनीमिला त्रिरत्न शाक्य, भगतदास श्रेष्ठ,सत्यनारायण मानन्धर,अर्जुन नेपामि,राजभाइ जकःमि पिन्सं थीथी प्रस्तुति न्ह्यब्वया दिल । तःजिक क्वचाःगु ज्याझ्वःया संयाेजक व सदस्य सचिब डा पुष्पराज राजकर्णिकारं सकसित लसकुस यानादीगु खः । 
 
 
Detail page ad