arin JS
Home page Ad

छन्त खनेवं थःत लोमं धका धाल मोहनकृष्णं

Jheegu Sah – Bijay Ratna ,    २०७८ माघ १, शनिबार    वर्गीकृत मनोरञ्जन

ताः ई न्ह्यःनिसें गीतसंगीतया ख्यलय् पलाः न्ह्याकावया च्वंम्ह मोहनकृष्ण श्रेष्ठ या छपू न्हुगु म्ये " छन्त खनेवं थःत लोमं " या म्युजिक भिडियो याकन पिदनिगु जूगु दु ।
थ्व म्येया शुटिङ्ग नकतिनि क्वचाःगु दु । ख्वपया सुर्य विनायक  गुण्डु व यल ईमाडोल  जःखः शुटिङ्ग जूगु थ्व म्येया किपालुमि व छ्याय्फ्वायकःमि  सोहन मानन्धर खःसा  म्युजिक भिडयोया निर्देशन   राजेशमान सिं जुं यानादीगु खः ।
नीदँ नीनिदँ न्ह्यः  " मिखा मिखा ल्वाइबले न्हिले मते " म्युजिक भिडियो दयेका थ्व ख्यलय् पलाः न्ह्याकादीम्ह निर्देशक राजेशमान सिं थ्व ख्यलय् पलाः क्वातुका च्वंम्ह कलाकःमि खःसा वयकया निर्देशनय् हिसिमदु , भद्रगोल , लिबाय् धुंका थेंज्यागु नेवाः संकिपा नं दयेकादी धुंकल ।
अथेहेतुं गायक मोहनकृष्ण श्रेष्ठया नं " वा वल फय् वल " नापनापंआपालं म्ये पिदने धुंकुगु दु । वयक पिनिगु कुतलय् पिदने त्यंगु " छन्त खनेवं थःत लोमं " या म्युजिक भिडियो दुने नांजाम्ह हुलाप्याकःमि व कलाकार आराध्य लक्ष्मी खडगीया या नापं बिरेन्द्र वीर शाक्य  मोडल जुया म्हितुगु दु । सुमन चित्रकारं च्वयादीगु थ्व म्ये संगीतकार सुमन कपालीं लसय् हनादीगु खः ।
थ्व म्येया शुटिङ्ग व एडिटिंग या सकतां ज्या क्वचाये धुंकुगु दुसाः थुकिया म्युजिक भिडियो याकन हे पिदनिगु जूगु दु ।
Detail page ad