arin JS
Home page Ad

चिभा चैत्यपाखें श्रीघःया चैत्य भिंकल

Jheegu Sah – Bijay Ratna,    २०७८ भाद्र २१, सोमबार    वर्गीकृत समाज

ल्यायम्ह पुस्ताया नेवाःत जाना निस्वनातःगु चिभा चैत्य नांयागु पुचलं श्रीशान्तिघट बज्रधातु चैत्य महाविहार श्रीघःया स्यना च्वंगु झिंनिगः चैत्यया स्यना च्वंगु गजु दयेका बिउगु दु ।

स्वनिगः या सम्पदा कथं न्हाय् धस्वाकेत ताःलाना च्वंगु बौद्ध सम्पदाया संरक्षण व सम्बर्ध्दन यायेगु व अजागु सम्पदाया महिमा न्यंकभनं थ्यंकेगु तातुना निस्वनातःगु पुचःया कुतलं श्रीघःया थीथी चैत्यया गजु भिंका बिउगुलिं श्रीघःया  श्रीशान्तिघट बज्रधातु चैत्य महाविहार संरक्षण समितिपाखें  उगु  पुचः यात सुभाय् देछागु दु ।

उगु महाविहार संघया नायः शुभकाजी शाक्यं श्रीघःबहाया चैत्यया गजु स्यना च्वंबले उकियात गथे याना भिंकेगु धका संरक्षण समितिइ छलफल जुयाच्वंबले लाक्क हे चिभा चैत्यपाखें गजु भिंकेगु प्रस्ताव वःगु खँ कनादिल । चिभा चैत्यया कुतलं श्रीघःया चैत्य झःझः धायेक बाँलात धका नं वयकलं धयादिल ।

थःगु कुतलं व थःगु हे खर्चं चैत्यया गजु भिंका बिउगु पुचः चिभा चैत्ययात सुभाय् देछाये कथं आइतबार पन्जरां या दिनस अार्थिक ग्वाहालि लःल्हागु दु ।उगु आर्थिक ग्वाहालि श्रीशान्तिघट बज्रधातु चैत्य महाविहार संरक्षण संघया नायः शुभकाजी शाक्य पाखे लःल्हागु खःसा चिभा चैत्य पाखे प्रबोध बीर सिं कंसाकार भाजुं लःल्हाना कयादिउगु खः ।

Detail page ad