arin JS
Home page Ad

चलचित्र पत्रकारिता दिवस व वार्षिकोत्सव या लसताय् थीथी सिरपा व सम्मान

Jheegu Sah – Bijay Ratna ,    २०७९ आषाढ ५, आइतबार    वर्गीकृत मनोरञ्जन

 
 
 चलचित्र पत्रकारिता दिवस व चलचित्र पत्रकार संघया वार्षिकोत्सव या लसताय् घोषणा जूगु थीथी सिरपा व सम्मान शनिवार छगू ज्याझ्वःया दथुइ लःल्हागु दु ।
 
माननीय सुचना सन्चार तथा प्रविधि मन्त्री ज्ञानेन्द्र बहादुर कार्की मूपाहाँ कथं झायादीगु उगु ज्याझ्वलय् चलचित्र पत्रकारिता सम्मान २०७७ पाखें वरिष्ठ चलचित्र पत्रकार   शान्तिप्रिय व राजन घिमिरे, चलचित्र पत्रकारिता पुरस्कार २०७७ पाखें दिवाकर मैनाली व आर. डि. शृंखला (राजन दाहाल ) यात लःल्हागु खः ।
 
कोरोना महामारीया हुनिं लकडाउन जुउगु हुनिं वि सं २०७७ व २०७८ निदँ तक जुइ मफुगु सिरपा व सम्मान ज्याझ्वः थुगुसिइ स्वदँया छक्वलं यागुखः। थ्वहे झ्वलय्  चलचित्र पत्रकारिता सम्मान २०७८ सुब्रतराज आचार्य व सन्दीप सापकोटा, चलचित्र पत्रकारिता पुरस्कार २०७८ कुमार आचार्य व गीता अधिकारी,चलचित्र पत्रकारिता प्रोत्साहन पुरस्कार २०७८ मनोज न्यौपाने व मोफसल चलचित्र पत्रकारिता पुरस्कार २०७८ पोखराया रेम रसाइलीयात लःल्हागु खः ।
 
अथेहेतुं चलचित्र पत्रकारिता सम्मान २०७९ राजाराम फुयाँल व लक्ष्मण सुवेदी, चलचित्र पत्रकारिता पुरस्कार २०७९  नेमिष गौतम व विष्णु प्रसाद सुवेदी, चलचित्र पत्रकारिता प्रोत्साहन पुरस्कार २०७९ उद्दव रसाइली व मोफसल चलचित्र पत्रकारिता पुरस्कार २०७९  मकवानपुरया श्रीराम अर्जुनलाई लःल्हागु खः । शनिबार जुउगु ज्याझ्वलय् नेपाल सरकारया प्रवक्ता एंव सुचना तथा सञ्चार मन्त्री ज्ञानेन्द्र बहादुर कार्कीं नेपाःया संकिपाख्यःया विकास व प्रवर्द्धनया निंतिं थः सदां न्ह्यचिलेगु बचं बियादिसे नेपालय् छगू अन्तर्राष्ट्रिय स्तरया शुटिङ्ग स्टुडियो दयेकुगु ग्वसाः दुगु खँ कनादिल ।
Detail page ad