arin JS
Home page Ad

चन्द्र सुर्य पुस्तकालयया स्वर्ण महोत्सवया लसताय् साहित्य मुन्ज्या

Jheegu Sah – bishesh,    २०७९ आश्विन १, शनिबार    वर्गीकृत साहित्य

        यलया कुति सौगलय् च्वंगु सफू धुकु चन्द्र सुर्य पुस्तकालयया स्वर्ण महोत्सवया लसताय् शनिबार छगू साहित्य मुन्ज्याया नापनापं  छगू सफू पितब्वज्या जुउगु दु ।
 
सफू पितब्वज्या व साहित्य मुन्ज्या चन्द्र सुर्य पुस्तकालयया संस्थापक दुजः व सल्लाहकार सनप्रकाश चित्रकारया सभानायसुइ जुउगु खः । नांजाम्ह न्ह्यलुवा साहित्यकार  छत्र बहादुर कायस्थ मूपाहाँ कथं झायादीगु खःसा पाहाँ कथं साहित्यकार व समालोचक डा पुष्पराज राजकर्णिकार झायादीगु  उगु ज्याझ्वलय् नेवाः संकिपाख्यःया लोकंह्वाम्ह कलाकार राजु महर्जन जुजुया चिनाखं मुना सफू " ह्वयाच्वंगु स्वां ” या पितब्वज्या जुउगु खः ।
 
थीथी साहित्यकार पिन्सं थःथःगु रचना ब्वना न्यंकादीगु उगु मुन्ज्याय् मोक्षबहादुर अमात्य, शाक्य सुरेन ,कबिन्द्र लाल प्रधान, रामेश्वर मिश्रण श्रेष्ठ, ज्ञानीराजा मानन्धर, नरेश अमात्य, रिता महर्जन, रमि बज्राचार्य,मन्जु श्रेष्ठ सिं, दिव्या बज्राचार्य,तुयु पुं,राजेन्द्र शाक्य , विमल प्रभा बज्राचार्य , राजेन्द्र महर्जन , विजयरत्न असंबरे लगायतया साहित्यकार पिन्सं रचना न्यंकादिल । 
Detail page ad