arin JS
Home page Ad

"ख्वाःछंगु गुली बाँला" पिदन

Jheegu Sah – Bijay R,    २०७८ भाद्र २९, मंगलबार    वर्गीकृत मनोरञ्जन

 

नेपालभाषाया नांजाम्ह म्येहालामि रत्नशोभा महर्जन लिसे" छन्त नापलाये सातकि " थेंज्यागु लोकंह्वागु म्येहालादीम्ह सज्जु मानन्धर या छपू न्हूगु म्ये "ख्वाःछंगु गुली बाँला" थौं मंगलबार पिदन । 

रेडियोकर्मी व अभिनेता राजेन्द्र डंगोलया निर्देशनय् पिदंगु सज्जु मानन्धरया "ख्वाःछंगु गुली बाँला" या पितब्वज्या काठमाडौं महानगरपालिका वडा नंबर १३ या पूर्व वडा सदस्य दिलबहादुर मानन्धरं स्वीचअन याना यानादीगु खः ।

थुके बिन्दे महर्जन व बर्षा महर्जनपिन्सं अभिनय यानादीगु दु ।  थ्व भिडियो या सम्पादन सुनिल ताम्राकार  , निर्देशन व छायाँकान राजेन्द्र डंगोलं यानादीगु खःसा राजु मानन्धर (अष्ट्रेलिया) भाजुं च्वया दीगु थ्व म्येयात नांजाम्ह संगीतकार जुगल डंगोलं लसय् हनादीगु खः ।

म्युजिक भिडियो पितब्वज्याय् भिडियोया समालोचना पेज पत्रिकाया सम्पादक दर्शनबीर शाक्यं यानादिल । 

अथेहेतुं नेपालभाषाया न्हापांम्ह संकिपा पत्रकार एवम्  नेपालभाषा म्युजिक भिडियोका समेत  न्हापांम्ह निर्देशक विजयरत्न असंबरें  थ्व म्युजिक भिडियो पुचःयात भिन्तुना देछाना दिल । ज्याझ्वलय् निर्देशक राजेन्द्र डंगोलं भिडियो निर्माणया ईलय् जुउगु अनुभव कनादिलसा  अष्ट्रेलियाय् च्वना च्वंम्ह म्ये च्वमि राजु मानन्धरं भर्चुअल प्रविधि मार्फत थःगु नुगःखँ तयादिल  ।

 

Detail page ad