arin JS
Home page Ad

ख्वपय् ख्वीछक्व:गु विराट नेपालभाषा साहित्य सम्मेलन क्वचाल

Jheegu Sah – Bijay Ratna ,    २०७९ आश्विन २१, शुक्रबार    वर्गीकृत साहित्य

 
       नेपालभाषा साहित्यया ख्यलय् ज्वमदुगु इतिहास क्वबिया च्वंगु विराट नेपालभाषा साहित्य सम्मेलनया खुइछक्वःगु संस्करण शुक्रबार तःजिक क्वचाल ।
 
थ्यंमथ्यं स्वीन्याम्ह साहित्यकार पिन्सं थःथःगु रचना न्यंकेगु ज्या जुउगु साहित्य सम्मेलनय् बाखं /चिबाखं पाखे  नरेश अमात्य न्हाप  लात । अथेहेतुं ल्यू ज्ञानीराजा मानन्धर व लियां ल्यू रत्न महर्जन लुनिभा सिरपा त्याकेत ताःलागु दु ।
 
थुगुसिइ चिनाखं पाखे न्हाप रामेश्वर मिश्रण श्रेष्ठ, ल्यू दिलकुमारी डंगोल व लियां ल्यू ज्ञानेन्द्ररत्न बज्राचार्य लाःगु दु ।
 
भाषाख्यःया न्ह्यलुवा हितकरवीर सिं कंसाकार मूपाहाँ कथं झायादीगु उगु सम्मेलन विराट गुथिया नायः महेन्द्र गोपाल कर्माचार्यया सभानायसुइ जुउगु खः । ज्याझ्वलय् विराट गुथिया न्वकु महेन्द्र लाल कायस्थं लसकुस यानादिल । दाँभरीं राम गोपाल चगुथिं सुभाए देछागु उगु ज्याझ्वलय् विराट या त्रिरत्न शाक्यं सिरपा त्याकुपिनिगु नां घोषणा यानादिल ।
 
वहे ज्याझ्वलय् एस ई ई परिक्षाय् नेपालभाषा विषय कया दकलय अप्व: ल्या ह:म्ह पुर्णिमा तुलाधरयात नं  हनेज्या जुल । अथेहेतुं नेपालभाषा साहित्यख्यःया नां जाम्ह कवि पुर्ण वैद्यया  तिरिमयजु मिरा बैद्यं झिगुलखतकाया अक्षय कोष निस्वनादीगु दु । उकिया नापनापं वयकलं नेपालभाषा ख्यलय् बिउगु ज्वमदुगु योगदानयात मुल्यांकन याना छगू लखतका या सिरपा बिइगु खँया नं घोषणा याना दिल ।
 
विराट नेपालभाषा साहित्य सम्मेलन गुथि पाखें साहित्य बिधाया सर्जकयात दँय् दसं छगू लख तकाया सिरपा बिइकथं झिगु लख तकाया अक्षय कोष या नापनापं विराट या  छेँ दयेकेत निगु लखतका नापं याना मुक्कं झिंनिगू लख तका बियादीगु खः ।
Detail page ad