arin JS
Home page Ad

क्रोधकला शिरोमणि कालु कमालेया डकुमेण्ट्री पितब्वज्याय् जनप्रतिनिधिपिन्त भिन्तुना

Jheegu Sah – Bijay Ratna ,    २०७९ आषाढ ७, मंगलबार    वर्गीकृत राष्ट्रिय

 
       क्रोधकला शिरोमणि धका हस्तकला ख्यलय् नांजाम्ह प्राज्ञ  कालु कमालेया डकुमेण्ट्री पितब्वज्याय् यलय् थुगुसिइ निर्वाचित जुयादीपिं जनप्रतिनिधिपिन्त भिन्तुना देछागु दु ।
 
क्रोधकला शिरोमणि कालु कमालेपाखें  जनप्रतिनिधिपिन्त भिन्तुना  देछागु ज्याझ्वलय् बागमति प्रदेशया सांसद शोभा शाक्य व नेपाल ललित कला प्रज्ञा प्रतिष्ठानया कुलपति के के कर्माचार्यया विशेष उपस्थिति दूगु खः । ज्याझ्वलय् क्रोधकला शिरोमणि कुमाले भाजुं यलया नव निर्वाचित मेयर चिरिबाबु महर्जनया नापनापं यलया दक्व वडाया वडानायः व यल महानगरपालिका या कार्यपालिका दुजः पिन्त खादाँ क्वखाएका भिन्तुना देछाना दीगु खः।
 
थ्वहे ज्याझ्वलय् क्रोधकला शिरोमणि कालु कमालेया आधिकारिक वेबपेज नं सार्वजनिक याःगु खःसा उकिया नापनापं वयकया डकुमेण्ट्री पितब्वज्या नं जूगु खः।
 
कुमार यात्रुं च्वयादीगु थ्व डकुमेण्ट्रीया अवधारणाव सम्पादन नवराज लामां यानादीगु खः । थुगु डकुमेण्ट्री कालु कुमालेया आधिकारिक वेब साइट या नापनापं युट्युब य् तयातःगु दु ।
 
ज्याझ्वलय् क्रोधकला शिरोमणि कालु कमाले फाउण्डेशनया राकेश अवालें लसकुस न्वचुतसे फाउण्डेशन व थः अबुजु क्रोधकला शिरोमणि कालु कमालेया बारे खँ तयादिल । ज्याझ्वलय् यल महानगरपालिकाया मेयर चिरिबाबु महर्जनं यलय् कालु कुमाले थेंजाम्ह क्रोधकला शिरोमणि दुगु धइगु गौरवया खँ खः धका धयादिसे वयकया सम्मानय् महानगरपालिका पाखें छगू विशेष कथंया पलाः ल्ह्वनेगु योजना दुउगु खँ नं कनादिल ।
 
 
Detail page ad