नेपालभाषाया सन्चारख्यलय् बिस्कं म्हसिका दयेकेत ताःलागु लहना मिडियाया ग्वसालय् विहीबार कोरोना प्रभावित पत्रकार व नेवाः मिडिया हाउसयाबारे बृहत अन्तर्क्रिया ज्याझ्वः जूगु दु ।

लहना मिडियाया नायः नृपेन्द्र लाल श्रेष्ठया सभानायसुइ जुउगु उगु ज्याझ्वलय् ये महानगरपालिकाया पूर्व मेयर विद्यासुन्दर शाक्यं थःगु कार्यकालय्  नेपालभाषा, संस्कृति, सम्पदा लगायत थीथी ख्यलय् बाँलाक लुधंक्क ज्या यायेखंगु खँ न्ह्यथंसे आः थ्व निरन्तर मजूसा थः सतकय् कुहाँ वयेत तयार दु धका उद्घोष  याना दिल ।

लहना या व्यवस्थापक सुरेन्द्रभक्त श्रेष्ठं लसकुस न्वचु तयादीगु उगु ज्याझ्वलय् नेवाः पत्रकार राष्ट्रिय दबूया केन्द्रिय नायः सुरजबीर बज्राचार्य , दबुया मूछ्यान्जे सुनिल महर्जन , न्वकु रचना श्रेष्ठ , निवर्तमान नायः श्रीकृष्ण श्रेष्ठ, सल्लाहकारपिं सुरेश किरण मानन्धर व विजयरत्न असंबरे, आदिबासी जनजाति पत्रकार संघ फोनिजया न्वकु अमरध्वज लामा, नेवाः टिभिया कजि नबिन जोशी, समाचारडेस्क डटकमया बिराजकाजी राजोपाध्याय या नापनापं सन्चारकःमिपिं सुगतरत्न सिन्दुराकार,रेखा शाक्य लगायतं थःथःगु विचा तयादीगु खः ।