arin JS
Home page Ad

कुतः राजदास साहित्य सिरपा ज्याझ्वलय् ७ गु सफू नं पिदन

Jheegu Sah – Bijay Ratna ,    २०७९ जेठ १५, आइतबार    वर्गीकृत साहित्य

 
 
 
ख्वपय् प्यंगु दसकया इतिहास दूगु कुतः पिकाक प्रकाशनपाखें थीथी विधाय् च्वयातःगु ७गु सफूया पितब्वज्या याःगु दु   । थथे पितब्वज्या जुउगु सफुतिइ समालोचक अपर्णा प्रधानया  न्हायकं, जिज्ञासा व म्हमस्यूम्ह मनू नापं याना स्वंगु सफू अले आख्यानकार मथुरा सायमिया महाअभियान, बाखं च्वमि पशुपतिमान पःमांया नेवाः वाउँभतु व मलखं कःगु छेँ नापं याना निगू सफू व पूर्ण ताम्राकारया कवि सुन्दर मधिकर्मी नांयागु सफू पितब्वज्या याःगु खः ।
 
थथे पितब्वज्या जुउगु सफू मध्ये महाअभियान सफू अंग्रेजी, नेपाली व नेपालभाषा नापं याना स्वंगु भाषां पिदंगु सफू खः । ज्याझ्वःया न्हापांगु चरणमा सफू पितब्वज्या, अनंलि कुतः राजदास साहित्य सिरपा लःल्हायेगु व  संगीत , साहित्य क्षेत्रय् योगदान दुपिं व्यक्तित्वयात सम्मान याःगु खः । सिरपा त्याकुपिं न्याम्ह  साहित्यकार मध्ये निबन्धकार पूर्णराम मुनंकर्मीयात नगद न्येयद्वःतका सहित कुतः राजदास साहित्य सिरपा लःल्हागु खः । च्वमि मुनकर्मीया अनुसन्धानमूलक सफू संवत् सन्दर्भ छगू दुवाला या लागि उत्कृष्ट सिरपा लःल्हागु खः । अथेहेतुं म्हतिं झिद्वःतका सहित कुतः राजदास साहित्य हःपाः सिरपा छसिकथं उपन्यासकार डा. रीना तुलाधर, बाखं च्वमि पशुपतिमान पःमां, हाइजिन मोक्षबहादुर अमात्य व समालोचक अपर्णा प्रधानयात लःल्हागु खः । मूक्कं पीछगू सफू  दुथ्यागु   मध्ये उत्कृष्ट न्याम्ह साहित्यकारया सफू सिरपा त्याकुगु खः । नेपालभाषा एकेडेमीया सदस्य सचिव डा. पुष्पराज राजकर्णिकार व समालोचक पूर्ण ताम्राकार जाना सिरपाया निंतिं मूल्यांकन याना सिरपा क्वछिइगु खः ।
 
भाषा सेवी पन्चबीर सिंह तुलाधरया सभानायसुइ सम्पन्न  जुउगु उगु ज्याझ्वःया स्वंगुगु चरणय् साहित्य व संगीतख्यलय् योगदान दुपिं व्यक्तित्वपिन्त सम्मान नं याःगु खः । सम्मानया ज्याझ्वलय्  नांजाम्ह साहित्यकार  मथुरा सायमिपाखें संगीततर्फया सम्मान जनगायक रामकृष्ण दुवाल व साहित्यतर्फया सम्मान  साहित्यकार विमल ताम्राकारयात लःल्हागु खः । उखुन्हु बिउगु राजदास साहित्य सिरपाया दाता केमिकल इन्जिनियर तथा भाषासेवी राजदास श्रेष्ठ खः ।
 
ज्याझ्वलय् कवयत्री प्रतिसरा साय्मि, साहित्यकार रामेश्वर भुजु, वरिष्ठ संस्कृतिविद् तेजेश्वरबाबु गोंगः,  साहित्य मन्दिरया नायःअगिब बनेपाली व पुलांम्ह नायः तिलक प्रकाश कायस्थ, विराट गुथिया नायः  महेन्द्र गोपाल कर्माचार्य व पुलांम्ह नायः कृष्णभक्त बोड अले डा. इन्दुल केसी, साहित्यकार  योगेन्द्र प्रधान, त्रिरत्न शाक्य, ध्रुव मधिकर्मी, प्रकाश सक्व, विजयरत्न असंबरे, ऋषिप्रसाद श्रेष्ठ, सत्यनारायण मानन्धर, विष्णु केशरी ताम्राकार लगायतया आपालं साहित्यह्यःमि पिनिगु उपस्थिति दुगु खः ।
 
 
 
 
ReplyForward
 
 
 
 
Detail page ad