arin JS
Home page Ad

कीपुलिइ झिंनिक्वःगु नेवाः एकता दिवस न्यायकल

Jheegu Sah – Bijay Ratna ,    २०७८ पौष २८, बुधबार    वर्गीकृत राष्ट्रिय

 
झिंनिक्वःगु नेवाः एकता दिवस थुगुसिइ किपुली तःजिक  न्यायकूगु दु । दँयदसं पोहेलाथ्व नवमि खुन्हु न्यायेका वया च्वंगुलिइ थुगुसिइ  नेवाः देय् दबूया संयोजनय् थीथी भाषिक, जातीय खलः पुचःया उपस्थितिइ  झिंनिक्वःगु नेवाः एकता दिवस किपुली न्यायकूगु खः ।
 किपूया न्हूबजाःया ध्वाखाय् मुनाः जुलुसलिसें किपूया पांगाया लाछीइ थ्यंकाः छगू अौपचारिक ज्याझ्वः याःगु खः । उगु ज्याझ्वः  नेवाः देय् दबूया केन्द्रीय नायः नरेश कुमार ताम्राकारया सभानायसुइ न्ह्याःगु खःसा उगु सभाय् सभानायः भाजु नरेश कुमार ताम्राकारं हे लसकुस न्वचु बियादीगु खः ।
  वयकलं थःगु लसकुस न्वचूया झ्वलय् नेवाः समुदाय दुने जातीय विविधतालिसें धार्मिक, सामाजिक विविधता जाःगु खँ कनादिसें नेवाः समुदाय राष्ट्रया छगू उच्च समुदाय जूगु विचाः   न्ह्यब्वःयादीगु खः । उगु नेवाः एकता दिवसय् स्थानीय पाठ्यक्रम स्थानीय मातृभाषा नेपालभाषाय् न्हापांगु खुसिइ  सुरुवात याना नेवाः समुदायया नितिं येँय् योगदान बियादीगुलिं येँ महानगरपालिकाया मेयर विद्या सुन्दर शाक्ययात हनापौ देछाया हनेज्या नं याःगु खः ।
थुकथं हे उगु ज्याझ्वलय् कीर्तिपुर नगर सांस्कृतिक संरक्षित क्षेत्र घोषणा याना ऐन तकं दयकेगु ज्या याःगु व स्थानीय पाठ्यक्रम स्थानीय मातृभाषा नेपालभाषाय्  ब्वंकेगु ज्या कीर्तिपुर नगरपालिकाय् शुरु याःगुया कदर स्वरुप कीर्तिपुर नगरपालिकाया मेयर रमेश महर्जनयात नं सम्मान याःगु खः । ज्याझ्वलय् तोखा सांस्कृतिक संरक्षित क्षेत्र विकास समिति निस्वंगु कारण तोखा नगरपालिकाया मेयर प्रकाश अधिकारीयात नं सम्मान यागु खः  ।
 
 
Detail page ad