arin JS
Home page Ad

किपुलिइ चान्हसिया सम्पदा यात्रा जुइगु

Jheegu Sah – Bijay Ratna ,    २०७९ श्रावण २०, शुक्रबार    वर्गीकृत तजिलजि

 
       किपूलिइ  थ्वहे वइगु श्रावण २७ गते शुक्रबाः चान्ह्यः सम्पदा यात्रा जुइगु दु। ऐतिहासिक व साँस्कृतिक सम्पदाया संरक्षणया नापं पर्यटन प्रबद्र्धनया निंतिं थथे सम्पदा यात्रा जुइत्यंगु खँ शुक्रबार जुउगु पत्रकार सम्मेलनय् जानकारी बिउगु खः ।
 
थ्व  सम्पदा यात्रा जुइगु खँ या जानकारी बिइगु निंतिं जोशी ननी हेरिटेज होम्सय्  छगु पत्रकार सम्मेलन याना  बिउगु खः। परम्परागत रूपं सापारु कुन्हु हना वयाच्वंगु “बहाः चाः हिलेगु” ज्या थुगुसिइ पर्यटन प्रबद्र्धन यायेगु निंति प्रचार यायेगु कथं ज्याझ्वः जुइ धका  पत्रकार सम्मेलनय् धागु खः।
 
पत्रकार सम्मेलनय् जानकारी बिउकथं उगु सम्पदा यात्राय् किपूया ५३ थासय्  अवलोकन याकेत्यःगु दु। लिच्छबीकालनिसे किपूया नेवाः बस्ती, विहार, चिभाः व चुकः नाप स्वापू दुगु सम्बन्धित सभ्यताया अवलोकन याये दइगु कथं सम्पदा यात्रा जुइत्यःगु धका नं धयातःगु दु । थ्व सम्पदा यात्रा चान्हय् जुइसा किपुया आपालं सम्पदा अवलोकन या नापनापं मामाःगु जानकारी बिइगु खँ ग्वसाखलःया शरद मंगल जोशी व नविन जोशीं कनादिल ।
Detail page ad