arin JS
Home page Ad

काठमाडौं क्षेत्र ९ या चुनाव परिणाम न्हापान्हापा थें मजुइगु अनुमान

Jheegu Sah,    २०७९ मङ्सिर १, बिहिबार    वर्गीकृत पुलुपालु

        निर्वाचनया दिं न्ह्यने वःलिसे छखे थुके उम्मेदवार कथं ब्वति कया च्वंपिन्सं प्रचारप्रसारया लिपांगु दिं थःथःगु प्रचारया ज्या यात मतदाता पिनिगु नुगलय् स्वचाइ कथं थीथी पलाः ल्ह्वना न्ह्याना क्यंगु दुसाः थ्वहे प्रचारया अाधारय् येँया १२,२१ व २२ वडाय् लोकतान्त्रिक वामगठबन्धनया उम्मेदवार कल्पना धमला मेपिं उम्मेदवार सिबें न्ह्यने मतदाता पिनिगु नुगः सालेत ताःलागु दावी वयक लिसे स्वापु दुपिन्सं धागु दु । 
 
थुगुसिइ  जुइगु निर्वाचनय् येँया निर्वाचन क्षेत्र नं ९ खय् विचाः याना कथंया लिच्वः सिबें फरक लिच्वः वयफुगु खँ स्थानिय बासिन्दापिन्सं अनुमान याःगु दु । थ्व स्वंगुलिं वडाय् नेवा: जनसंख्या बहुमत दुउगु कारणं एमाले या कृष्ण गोपाल श्रेष्ठ त्याना वया च्वंगु क्षेत्र खः ।
 
थुगुसिइ वयकया निंतिं जनता समाजवादी या उम्मेदवार शर्मिला सुवाल डंगोल नं हाथ्या जुया खना च्वंगु दुसाः लोकतान्त्रिक वामगठबन्धनया उम्मेदवार पुर्ब मन्त्री समाज सेवी महिला अधिकारकर्मी कल्पना धमलाया स्थिति मेपिं सिबें बाँलाना च्वंगु खनेदु । छाय्धाःसां कल्पना धमला मन्त्री जूगु इलय् नैकापय् लः या  ब्यवस्थापन याना  मन त्याकेधुुंकुम्ह खः ।
 
उलिजक मखसे कोभिड- 19 महामारिया इलय् काठमाडौं या थीथी त्वालय् स्वास्थ्य  सेवा व खाद्यान्न सेवा या ज्याय् न्ह्यचिला दीम्ह खः । अथेहेतुं  रक्षा नेपाल नांयागु सामाजिक संस्थाया निंतिं वयकलं यानादीगु योगदान  व  येँया  कला सस्कृती प्रति वयकलं क्यना वया च्वनादीगु माया मतिना व थ्व ख्यलय् अझ अप्वः ज्यायायेगु इच्छा शक्तियात  मुल्यांकन याना थुगुसिइ काठमाडौं क्षेत्र ९ या जनता विशेष याना १२,२१ व २२ वडाया  नेवा: समुदायं थुगुसिइ कल्पना धमला यात हे भोट कुर्कि धइगु अनुमान यानातःगु दु ।.
Detail page ad