arin JS
Home page Ad

कर्मा व आशिष्माया कर्म घ्यःचाकु संल्हु निसें वइगु

Jheegu Sah – Bijay Ratna ,    २०७८ पौष २६, सोमबार    वर्गीकृत मनोरञ्जन

नेवाः फिल्मख्यलय् बुद्धकालिन बाखनय् संकिपा छगू धुंका मेगु पिहाँ वया च्वंगु दु । थ्वहे भझ्वलय् नेवाः संकिपाख्यलय् ताः ई न्ह्यःनिसें चर्चाय् वया च्वंगु नेवाः संकिपा कर्म आः घ्यःचाकु संल्हु निसें यल ग्वार्को या गुण हलय् क्यनिगु जुउगु दु ।

 

गुण सिनेमाया दिजेन्द्र शाक्यं निर्माण याःगु कर्म बुद्ध कालिन बाखनय् आधारित संकिपा खः । थ्व संकिपाया या निर्देशन रामकृष्ण खडगीं यानादीगु खः ।  थ्व सिबें न्हापा पटाचारा व कृषा गौतमी नं निर्देशन यानादीगु खः ।

 

कर्म संकिपाय् नेपाः या लोकंह्वाम्ह हिरो कर्मा व लोकंह्वाम्ह हिरोइन आशिष्मा नकःमि , वत्स शाक्यया नापनापं ख्यालिजुजु मदनकृष्ण श्रेष्ठ,नारायण देवी प्रधान,अन्नपुर्णेश्वरी श्रेष्ठ,कृष्णभक्त महर्जन,लुनिभा तुलाधर , रुमन नोशी , संघरत्न शाक्यया नापनापं यमन श्रेष्ठ व रजनी खडगी पिनिगु मूभुमिका दु ।

 

थ्व कर्म संकिपाया सह निर्माता दिप्रश  शाक्य,म्ये च्वमि रामकृष्ण खडगी व राजु तुलाधर ,सह निर्देशन राजन शाही , संगीत  राजु तुलाधर , रामकृष्ण खडगी व बालकृष्ण बंशी, पार्श्वसंगीत व   सम्पादन बालकृष्ण बंशी , किपालुमि लुजः सिंह  खः ।

Detail page ad