ayutahuti
Home page Ad

करुणा समाजय् सन्तकुमार शाक्ययात नायः ल्यल

Jheegu Sah – Bijay R,    २०७८ पौष २२, बिहिबार    वर्गीकृत समाज

यलया लोक कल्याणकारी संस्था करुणा समाजया प्यक्वःगु दँ मुज्या क्वचागु दु । 
नेपाःया नांजापिं कलाकःमि मदनकृष्ण श्रेष्ठ व हरिवंश आचार्य मूपाहाँ कथं झायादीगु उगु दँमुन्ज्या  सिद्विरत्न शाक्यजुया सभानायसुइ न्ह्याःगु  खः ।
उगु ज्याझ्वलय सन्तकुमार शाक्यजुं लसकुस याना दिइगु खसा सचिव राजेन्द्र शाक्यजुं बार्षिक प्रतिबेदन न्ह्यब्वःया दिइगु ज्याझ्वलय् दाँभरि राजेन्द्र शाक्यजुं आर्थिक प्रतिबेदन न्ह्यब्वःया दिइगु खः ।
थुगु संस्थापाखें दँय्दसं थें थुगुसिइ  नं जेष्ठ नागरिक , ल्वगि , कोरोना पाखें पिडित नाप नापं गरिबअसहाय पिन्त आर्थिक भौतिक ग्वहाली यानागु खँ  वक्ता पिन्सं नुगःखँ तयेगु झ्वलय्  न्ह्यथना दिइगु खः ।
   यलया नेवाः भ्वय् छेँय् जुउगु उगु ज्याझ्वलय् बिभिन्न दाता पिन्त नं हनेज्या जुउगु खः ।   विहिबार हे जुउगु न्हुगु ज्यासना पुच: ल्यःज्याय् नायः सन्तकुमार शाक्य , न्वकु सिद्विरत्न शाक्य , छ्यान्जे राजेन्द्र शाक्य व दाँभरि कथं सागर शाक्य ल्यःगु ख: ।
Detail page ad