arin JS
Home page Ad

उपन्यासकार निलम कार्की निहारिकायात गंकी धुस्वां–बसुन्धरा पुरस्कार

Jheegu Sah – Bijay Ratna ,    २०७८ पौष २३, शुक्रबार    वर्गीकृत साहित्य

 
 
   नेपालभाषाया न्हापांम्ह उपन्यासकार धुस्वां सायमिया लुमन्तिइ निस्वनातःगु गंकी धुंस्वां–बसुन्धरा प्रतिष्ठानपाखें  थुगुसिया गंकी धुस्वां–बसुन्धरा पुरस्कार खस नेपाली भाषाया  उपन्यासकार निलम कार्की निहारिकायात बिइगु घोषणा यागुखःसा थुगुसिया धुस्वां साय्मि सिर्जना पुरस्कार वरिष्ठ कलाकार गोविन्दलाल सिं डंगोलयात बिइगु निर्णय याःगु दु ।
 
गंकी धुंस्वां–बसुन्धरा प्रतिष्ठानया अध्यक्ष डा. अरुण साय्मिया नायसुइ च्वंगु बैठकं थ्व खँ क्वछिउगु खः । नेपालभाषाया न्हापांम्ह उपन्याससम्राट धुस्वां साय्मि व वयकया जहान बसुन्धरा मानन्धरया नामं निस्वनातःगु उगु सिरपा नेपाः दुनेया विविध भाषाया उपन्यासकारपिन्त निदँय् छक्वः बिइगु यानावया च्वंगु खःसा धुस्वां साय्मि सिर्जना पुरस्कार संगीत व कला क्षेत्रया श्रष्टापिन्त बिया वया च्वंगु दु । निगुलिं सिरपाय् ५०,००० (न्येयद्वतका दाँ)  व ताम्रपत्रपाखें हनिगु खः ।
 
सिरपा क्वछिइ निंतिं निगु बिस्कं सिफारिस समिति गठन यानातःगु दु । उकि मध्ये  गंकी धुस्वां बसुन्धरा पुरस्कार क्वछिइ निंतिं सात्यिकार विमल भौकाजीया कजिसुउ कवि नवीन चित्रकार व कवयित्री प्रतिसरा साय्मि दुजः कथं तयातःगु दुसाः र धुस्वां साय्मि सिर्जना पुरस्कार क्वछिइ निंतिं वरिष्ठ कलाकार हरिप्रसाद वैद्यया कजिसुइ युवा कवि सुरेश किरण मानन्धर व कवयित्री प्रतिसरा साय्मि दुजः कथं दु । गंकी धुस्वां–बसुन्धरा पुरस्कार नेपालभाषा, खस नेपाली रव नेपाःया विविध भाषाया उपन्यासकारपिन्त पालंपा बिइगु यानावया च्वंगु दु। निदँय् छक्वः घ्यःचाकु संल्हु  माघ १ गते छगू तःजिगु ज्याझ्वःया दथुइ लःल्हायेगु यानावया च्वंगु दु ।उपन्यासकार धूस्वां  सायमिया नां गोविन्दबहादुर मानन्धर खः । वयकः  ने.सं.१०५० बछालागाः एकादशी कुन्हु जन्मजूम्ह  वयकलं  नेपालभाषा,नेपाली ,हिन्दी व अंग्रेजी भाषाय् थःगु कलम न्ह्याकादीम्ह खः ।
 
वयकःया च्वज्या बिषयवस्तु कविता, बाखं , प्याखं व उपन्यास खः । वयकःया कीर्तिया खँ ल्हाना वनेबलय् न्हापां  ल्वापु बाखं , धर्मोदय , ३/३१ ने.सं.१०७० स पिदंगु खः ।अथेहेतुं न्याफोस्वां बाखं मुना ,ने.सं.१०७०, त्रिवेणी प्याखं मुना ,ने.सं.१०७२, मूस्वां चिबाखं ,ने.सं.१०७४ ,  मिसा उपन्यास ने.सं.१०७४  स पिदंगु खःसा थ्व उपन्यास श्रेष्ठ सिरपा त्याकेत ताःलागु ख । ब्वाला (बाखं ),ने.सं.१०७४ , ह्याउँ निभाल (प्याखं) , ने.सं.१०७६ ,.मतिना (उपन्यास ) , ने.सं.१०७७ , पासा (उपन्यास ) ने.सं.१०७८ , श्रेष्ठ सिरपाःलाःगु गंकी (उपन्यास) , ने.सं.१०७८ ,( पल्पसा उपन्यास ) ,ने.सं.१०७९ , मय्जु (उपन्यास) , ने.सं.१०८६ , फिसःया लिसः(उपन्यास) ,ने.सं.१०८६ , माखा (उपन्यास),ने.सं.१०८९ , जि भ्वातिंजि सतः(उपन्यास) ,ने.सं.११०० ,अगति (उपन्यास) ,ने.सं.११०२ ,निभाः(उपन्यास),ने.सं.११०५ , मंगा (उपन्यास),बि.सं.२०४७ ,धूस्वांया कविता ,ने.सं.१११६ खः ।
  वयकलं वेँ सफू सम्पादन ने.सं.१०७१ यानादीगु दु ।थुकथं हे वयकलं श्रेष्ठ सिरपाः ने.सं.१०७४ ,१०७८ सः कयादीगु दु । अथेहे वयकलं साहित्य सुता , ने.सं.१०९५ ,(२).भाषा थुवाः ने.सं.१११८ सालं विभूशित याःगु दु ।
थुकथं हे वयकलं विभूषणया रुपय्  प्रबल गोरखा दक्षिण बाहु (प्यंगूगु) उपाधि  कयादीगु दु । 
 
 
 
 
 
Detail page ad