arin JS
Home page Ad

आदिबासी जनजाति आन्दोलनयात कया समीक्षा ज्याझ्वलय् ब्वति कायेत इनाप

Jheegu Sah – Bijay Ratna ,    २०७९ श्रावण २३, सोमबार    वर्गीकृत पुलुपालु

     आदिबासी जनजाति मातृभाषी पत्रकार तयेगु संगठन नेपाल आदिबासी जनजाति पत्रकार महासंघ फोनिज व नेपाल आदिबासी जनजाति  महासंघ  नेफिनया ग्वसालय् थौं सोमबार न्हिनसिया छताः इलय् "अादिबासी जनजाति आन्दोलनयात कया समीक्षा व आः नालेमागु लँपु" विषयस सहलह मुन्ज्यां जुइत्यंगु दु ।
 
नीच्याक्वःगु विश्व आदिबासी जनजाति दिवस व नेपाल आदिबासी जनजाति पत्रकार महासंघ फोनिजया नीस्वक्वःगु स्थापना दिवसया लसताय्  येँया अनामनगरय् च्वंगु तमु बौद्ध सेवा समितिया सभाहलय् जुइगु थ्व सहलह ज्याझ्वलय् नेपाल आदिबासी जनजाति  महासंघ  नेफिनया संस्थापक मूछ्यान्जे सुरेश आले मगर , नांजाम्ह पत्रकार अरुण बराल,राजनैतिक विश्लेषक डा महेन्द्र लावति,अनुसन्धाता कैलाश राई व कानूनविद् शंकर लिम्बु पिन्सं थःथःगु खँ न्ह्यब्यादीगु ग्वसाः दु ।
 
आदिबासी जनजाति आन्दोलनयात कया दुग्यंक सहलह जुइगु जुउगुलिं थ्व ज्याझ्वलय् ब्वति कयादीत ग्वसाखलःपाखें  सकसित इनाप याःगु दु ।
Detail page ad