arin JS
Home page Ad

अर्ग्यानिक नेवाः संकिपा " गालय् वन ” पुष १६ गते थिमिइ क्यनिगु

Jheegu Sah – Bijay Ratna ,    २०७९ मङ्सिर १, बिहिबार    वर्गीकृत मनोरञ्जन

 
       ख्वपया छगू साँस्कृतिक शहर थिमिया थिमि बेंक्वेट पार्टि पाएलेसय्  वइगु पुष १६गते शनिवार " गालय् वन ” क्यनिगु  जुउगु दु ।उखुन्हु अन सुथसिया ८ ताः इलय् , ११ ताः इलय् , २ ताः इलय् व ५ ता इलय् याना मूक्कं प्यंगु शो क्यनिगु खँ थ्व संकिपाया व्यवस्थापक सुरेन्द्र श्रेष्ठं जानकारी बियादीगु दु ।
 
थौंकन्हे छगू मौलिक विषयवस्तु कःघानातःगु अर्ग्यानिक नेवाः संकिपा धका चर्चा जुया च्वंगु थ्व संकिपा एस स्क्वायर ईन्टरप्राईजेजया ब्यानरय् दयेकुगु खः । छगू फरक विषयबस्तु ज्वना दयेकुगु नेवाःसंकिपा “गालय् वन”   करिब सच्छि दँ ख्वपया नेवाः समाजय् जुउगु वास्तविक घटनाया लिधंसाय् दयेकुगु खः ।
 
बाखं , पटकथा, संवाद लेखक व म्ये च्वमि पुरुषोत्तम पक्का (चकलेट) खः  । थ्व संकिपा छगू मौलिकतां जाःगु संकिपा जुगुलिं स्वकुमि दथुइ चर्चाया विषय जुया वया च्वंगु दु । ख्वपय् दयेकुगु थ्व फिल्मया न्हापांगु शो ख्वपया हे बाराही मुभिज हलय् क्यंगु खः अनंलि लुभुइ कार्तिक १९ गते शनिबार व येँया CTC Mall या CDC Cinemas सुन्धाराय् कार्तिक २६ गते शनिबार क्यंगु खः । थ्व फिल्मया हिरोइन शोभा महर्जन खः ।
 
"गालय् वन”या  निर्माता अजय दुलाल खः ।  मेक अप आशा तामाङ, संगीत पुर्णमान महर्जन, संगीत संयोजन जीवित महर्जन जल्मी , रेकर्डिङ र मिक्सिङ सुरेन्द्र श्रेष्ठ, गायक/गायिका पुर्णमान महर्जन व रत्न शोभा महर्जन, कला निर्देशन रेणु सुवाल, पार्श्व संगीत व डबिङ अन्जन श्रेष्ठ, ब्यवस्थापन सिताराम माक (मनका राजा) व सुरेन्द्र श्रेष्ठ, नृत्य निर्देशन रविता बाके, द्वन्द निर्दशन व सहायक निर्देशन लक्ष्मी प्रसाद भैल (ॐ बाबा) अले छायांकन व सम्पादक बाल कुमार मगरं यानादीगु खः ।
 
संकिपाया या मू कलाकारय् शोभा महर्जनया नापनापं वया जहान दुया किरण जोशी अले ससअबु या कमल प्रसाद भट्ट व माजु जुया मन्जु श्रेष्ठ जुया म्हितातःगु दु । अथेहेतुं पुरुषोत्तम पक्का (चकलेट), अन्नपुर्णेस्वरी श्रेष्ठ, राजेश गोसाईं, मनी मैंया प्रजापति, शुप्रभा गैजु, श्रृजना प्रजापति, विक्रम प्रजापति, रजत श्रेष्ठ, अजय दुलाल, महेश प्रकाश हाडा, पुर्ण कुमार अवाले, सिताराम माक(मनका राजा), विश्व नारायण भैल, रोशनी श्रेष्ठ, कमला बैजु, जीवन ट्वाति, जुन सितिखु पिन्सं नं अभिनय यानादीगु थ्व फिल्मयात नेवाः फिल्म ख्यलय् छगू बिस्कं पहया अर्ग्यानिक संकिपा धका धायेगु यानाहःगु दु ।
 
Movie GALAYA WANA Trailer Link:
 
Detail page ad