arin JS
Home page Ad

अमेरिकाय् तःजिक इहि मुंकल

Jheegu Sah – Bijay Ratna Asonbare,    २०७९ भाद्र १, बुधबार    वर्गीकृत तजिलजि

        नेवाः समुदायया मिसा मस्तयेगु छगू मजिमगागु परम्परागत  संस्कार इही  यायेगु गर्ने चलन कथं  अमेरिकाए च्वना वया च्वंपिं नेवाः परिवारया मिसा मस्तये इहि यायेगु ज्या तःजिक क्वचाःगु दु ।
 
अमेरिकाया नेवाः गुथि न्युयोर्कया ग्वसालय् थथे दँय्दसं इहि मुंका वया च्वंगु दु । थुगुसिइ न्याक्वःगु खुशीइ मुंकुगु इहि ज्याझ्वलय् न्हयम्ह मिसा मस्त दुथ्यागु खः  । उकिइ मध्ये गुदँ दुम्ह किअरा  ताम्राकार, गुदँ हे दुपिं रुविशा श्रेष्ठ, अन्याकिरण श्रेष्ठ , श्रीशा श्रेष्ठ अले च्यादँ दुम्ह  सनया कारन्जित, खुदँ दुपिं नोभा अमात्य व  आर्या अमात्य  दुथ्यागु खः । थ्व इहि  ज्याझ्वः पण्डित बासव राजपाध्यायं धार्मिक विधि संस्कार व परम्परा कथं क्वचाएका दीगु खः ।
 
इहि ज्याझ्वः तसकं तजिक क्वचाःगु खँ नेवाः गुथि न्युयोर्कया दाँभरीं हृदय तुलाधरं जानकारी बिया दिल । वयकलं धयादी कथं थुगुसिइ मुंकुगु इहि ज्याझ्वलय् अमेरिकाया मेक्सिको, वासिङ्टन डीसी लगायतया थीथी थासं ब्वति काःगु खः । थ्व इहि मुना ताःलाकेत गुथि परिवारया निर्मल चित्रकार, हृदय तुलाधर, कविनासिंह महर्जन पिन्सं व्यवस्थापन या भाला क्वबिया दीगु खः । थ्व इहि मुनाय् अनिता नकर्मि,जमुना कपालि , रज्जु लोहनि चित्रकार , सुषमा मानन्धर,जितेन्द्र मल्ल,श्री मल्ल,सम्राट महर्जन,हृदेश तुलाधर,एह्रिश तुलाधर, सजना महर्जन लगायत  स्वयंसेवकया रुपय्  ज्यासना दीगु खँ नेवाः गुथि न्युयोर्कया पाखें जानकारी बिउगु दु ।  
Detail page ad